సంధ్యాసమయం-వానజల్లు
సంధ్యాసమయం – వానజల్లు
తెలిమబ్బులు లేగదూడల నోట పాలనురగ లెక్క
ఆట స్థలంలో పసిపిల్లల గెంతులు
ఆడవిలో జింకపిల్లల లెక్క
ఆకాశన మెరుపుల విరుపులు
దీపావళి తారజువ్వల లెక్క
నిశీధిలో పిడుగుల గాండ్రింపులు
పండగ పూట పెద్ద డోలు చప్పుడు లెక్క
సంధ్యాసమయం, వానజల్లు
ధరణి విడిచే పరిమళము – విరబూసిన చిరుమల్లెల సువాసన లెక్క
ఆరుద్ర పురుగులు -పడుచు పిల్ల నుదుటపై కుంకుమ బొట్టు లెక్క
పిల్లగాలి లేత పైరుతో చిలిపి అల్లరి
బావ-మరదలి సరసం లెక్క
సంధ్యాసమయం, వానజల్లు
ఇంటింటా కారం మంట,
ఇంటాబయటా చిరుతిండ్లుకై కిటకిట
పొలంలో పని వేగిరం చేసి, తిరోగమనంలో రైతన్న – గబగబ గూటికి చేరే గవ్వల లెక్క
సంద్యాసమయం, వానజల్లు
చిరుకొండలు, నీలిమబ్బులు కలయికకై విఫలయత్నం – తొలి తొలి పరిచయాన ప్రేమికుల చిరు ముద్దుకై పడే ఆరాటం లెక్క
సంద్యాసమయం, వానజల్లునీ
లాకాశం, నీలి సముద్రం ముడిపడే సమయం,జతకలిసే సమయం- ఏకాంత సమయం
